TINCHOI

今日上 CMMI training，好悶o既... 但因為要同上海o個邊o既同事做 support，所以中途出左黎 check message，跟住因為悶得滯o既關係無入番去咯。 =p 中間要同上海o既同事電話 support.. 都係o個句，自己講國語仲係幾爛，但聽國語就好左好多 =)
臨走o個時上海同事同我地講有個問題，攪左好耐。查實都唔係我攪，只係負責搵番做o個個問。成三點先走得...
出到去食左個常餐做 lunch，跟住去買拍雞o既生日禮物：食鬼 nds 帶，因為睇見人地玩覺得太好玩o既關係自己都買左..
跟住去左唱 K，七點度走。送埋女友番屋企就番去咯~~

今日好多野做…一番到去就俾呢個捉住，俾o個個捉住。因為要跟 RDS，所以 WMS 迫住要放俾美寶跟，但實在太多突發野要做喇，美寶未有經驗去 handle…唯有盡量抽時間睇一睇…
晏晝有一個 scheduled 左o既 communication session，係公司請左 consultant 公司番黎同我地傾下有咩野 comment。聽落好似好好咁，但查實個個都無咩野感覺，因為之前都做過一次類似o既野架喇，但係一o的成效都見唔到。今次都係諗住入去講下就算。講左好耐，可能都有唔少想講o既野，有無 effect 另一件事啦，但講左係一種發洩，心情係會好好多。希望今次係有用架啦。
講左個幾兩個鐘，出番黎繼續趕，成十點先走… >.<

今日照舊都係上半晝用黎訓覺，起身同屋企人飲茶，跟住去拎眼鏡。番到去要做 PPT，老細野，唉…今日星期日呀。都係唔係咁專心，玩下做下玩下做下，成七點先做好，總算了左件煩野，但聽朝仲有好多野要做呢… >.<

今日星期六，照常番工，但身心已經好疲累喇。一來多野做，多野跟，二來加上無啦啦老細又俾o的 extra o既 PPT 我做。唔知本來係唔係我要做架啦，但潛意識覺得應該唔關我事架（咁諗係咪好衰呢=p）做到成三點都做唔起，把心一橫番去先做，出去同女友食飯。女友等我好辛苦呢，三點都未食飯喔。

去左大家樂食 tea。嗌左碗燒鴨瀨，有隻脾食，本來就心情唔錯o既，點知食食下收到電話，上海同事打黎問野，即刻 down 番 >.< 無計啦，都要 support... 查實而家我都好少落手落腳寫 code，所以 support 都真係做 contact o個個... 問到都係要問番其他人。

食完野即興 suggest 去西貢行下，搭 299 去。都唔知搭左幾耐，訓訓下就到咯。年幾前同學會區區有睇頭o個時黎過，而家再黎，路就唔係咁認得架喇，係認得食飯o個度囉。行過碼頭，行過入面o的小街，入番一間買貓精品o既舖頭，我記得之前o個次都黎過。行左一個鐘度啦，跟住行過碼頭o既另一邊（之前o個時無行過）有條海邊o既路唔錯o既…行o個時好舒服。發現雖然西貢唔大，但咩野都有架喎，行過泳池啦，又入過圖書館（雖然得一層包埋兒童成人，但都好齊），仲有好多外國人，不過遠左o的啦…

番到沙田食埋食就番屋企咯。